ໜ່ວຍພັກຮາກຖານຫ້ອງການສະພາວິທະຍາສາດແຫ່ງຊາດ, ກະຊວງສຶກສາທິການ ແລະ ກິລາ ໄດ້ຈັດພິທີຮັບສະມາຊິກພັກສຳຮອງ ຂຶ້ນໃນຕອນບ່າຍຂອງວັນທີ 16 ມີຖຸນາ 2025 ຜ່ານມານີ້, ທີ່ຫ້ອງປະຊຸມຫ້ອງການສະພາວິທະຍາສາດແຫ່ງຊາດ. ພາຍໃຕ້ການເປັນປະທານຂອງ ສະຫາຍ ສຳລານ ພັນຄະວົງ ຮອງເລຂາຄະນະບໍລິຫານງານພັກກະຊວງ, ມີບັນດາສະຫາຍເລຂາ, ຮອງເລຂາ ແລະ ຄະນະໜ່ວຍພັກຮາກຖານຫ້ອງການສະພາວິທະຍາສາດແຫ່ງ, ໜ່ວຍພັກຮາກຖານກົມຈັດຕັ້ງ ແລະ ພະນັກງານ, ໜ່ວຍພັກຮາກຖານກົມກວດກາ, ໜ່ວຍພັກຮາກຖານສະຖາບັນຄົ້ນຄວ້າວິທະຍາສາດ ແລະ ນະວັດຕະກຳ, ໜ່ວຍພັກຮາກຖານກົມຄຸ້ມຄອງວິທະຍາສາດ ພ້ອມດ້ວຍສະມາຊິກພັກຂອງໜ່ວຍພັກຫ້ອງການສະພາວິທະຍາສາດແຫ່ງຊາດ ເຂົ້າຮ່ວມ ຈຳນວນ 24 ສະຫາຍ.
ໃນພິທີດັ່ງກ່າວ, ສະຫາຍຄະນະໜ່ວຍພັກຮາກຖານກົມຈັດຕັ້ງ ແລະ ພະນັກງານ, ສສກ ໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກ ວ່າດ້ວຍການອະນຸມັດຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ຈໍານວນ 03 ສະຫາຍ, ຍິງ 02 ສະຫາຍ; ໂອກາດດັ່ງກ່າວ, ສະຫາຍ ປະທານ ຍັງໄດ້ໃຫ້ກຽດໂອ້ລົມຕໍ່ສະມາຊິກພັກສຳຮອງ ຊຶ່ງສະຫາຍໄດ້ ເນັ້ນໜັກໃຫ້ ບັນດາສະມາຊິກພັກສຳຮອງ ຕັ້ງໜ້າສູ້ຊົນ, ຝຶກຝົນຫຼໍ່ຕົນເອງໃນການເຊື່ອມຊຶມຫຼັກການນຳພາຂອງພັກ, ກຳແໜ້ນສິໜ້າທີ ແລະ ຂໍ້ຫ້າມຂອງສະມະຊິກພັກໃນນັ້ນໃຫ້ຖືເອົາຂໍ້ຫ້າມ 11 ຂໍ້ຫ້າມເປັນບັນຫາສຳຄັນ, ເອົາໃຈໃສ່ຍຶດຖືຄຳປະຕິຍານຂອງຕົນເອງໃນການເຂົ້າເປັນສະມາຊິກພັກມາມຸນໃຊ້ເອງໃນວຽກງານ, ສືບຕໍ່ຝຶກຝົນຫຼໍ່ຫຼອມຕົນເອງທາງດ້ານວິຊາສະເພາະ ແລະ ພາສາຕ່າງປະເທດ, ຮັກສາມູນເຊື້ອຄຸນສົມບັດສິນທໍາປະຕິວັດ, ເອົາໃຈໃສ່ການພັດທະນາຕົນເອງ, ມີແບບແຜນວິທີເຮັດວຽກທີ່ດີ, ຄວາມສາມັກຄີ ແລະ ການຕໍານິຕິຊົມກັນຢ່າງເປັນປົກກະຕິ, ເປັນແບບຢ່າງແກ່ມະຫາຊົນ, ສຸມທຸກເຫື່ອແຮງສະຕິປັນຍາເຂົ້າໃນການຈັດຕັ້ງປະຕິບັດວຽກງານທີ່ຂັ້ນເທິງມອບໝາຍໃຫ້ ເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດເຮົາໃຫ້ນັບມື້ນັບຈະເລີນກ້າວໜ້າຂຶ້ນເລື້ອຍໆ.
ຂ່າວ ແລະ ພາບ: ພະແນກປະສານງານວິທະຍາສາດ
 |
|
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |